Page 247 - Алаатыыр Ала Туйгун. 2-с үйэтэ

Ойон турда.
Онуоха буоллаҕына
Алаатыыр Ала Туйгун
Саманнык диэн
Саҥа саҥара турда:
— Дьиэ буо, дьиэ буо!
Аартыкка көрсөн булбут
Албаннаахай доҕорум,
Албастаах аххан
10050 Кыыс буолуоҥ?
Аллараа Таан-Тараты
Түгэҕэр киирэммин
Аҕыс былас суһуохтаах
Айыы кыыһа
Айыы Ньулурдаан Куону
Эн биһиги холбоспуппут
Туһунан кэпсиэммит
Ү өрдэн-көтүтэн
Идцьэ тахсаммыт,
10060 Икки урууну
Бииргэ тэрийэн,
Үөһээ, аллараа дойдуну
Үтүөлэрин бастыҥнарын
Үмүрүччү тардаммыт,
Үрдүк үөрүүнү,
Маҕан малааһыны,
Сырдык сыбаайбаны,
Чуураан ыһыаҕы
Ыһыа этибит.
10070 Ол эрэ кэнниттэн
Эн биһиги
Ситиспит-хотуспут
Дьон быһыытынан
Сымнаҕас ороммутугар
Сылаас эппитинэн
Сыстыһан сытан,
Сырылаччы сыллаһан,
Сылаабытын таһааран,
Сытыа этибит,
10080 Омуннаахтык уураһан,
Уохпутун харатан,
Уоскуйуо этибит.
Ол хайдах буолуой? — диэтэ.

- 239 -