Page 248 - Алаатыыр Ала Туйгун. 2-с үйэтэ

Инньэ диирин кытта
Абааһы кыыһа
Таҥнары татынньахтаата,
Саҥа саҥаран
Часкыйбахтыы турда:
— Алаатыгар оҕолоор,
10090 Суолга көрсөн булбут
Доҕоччугум оҕото,
Тугу этэргин
Толоруохтаах этим.
Ол гынан баран
Ол Таан-Тараты
Түгэҕэ диэн
Куудьуйар кубулҕаттаах үтүөтэ,
Ааһар албастаах атамаана
Аартыгын арыйбатах,
10100 Дьиэлийэр-диэлимэрдээх бэртэрэ
Тиийэн киирбэтэх,
Дьикти дьибилгэннээх
Сир буолуо.
Ону ааһар
Албастаах буоллаххына,
Баран иһэр киһи барбытынан
Балай буолан харбыалаһар
Баһа-атаҕа биллибэт
Барылыы оргуйа турар
10110 Бадылрн хара байҕаллардаах
Дайды буолуо.
Ол анарааҥҥы өртүгэр
Хааман иһэр киһи хаампытынан
Хара харыйа буола
Хараара өлөн хаалар
Хаччаҕай хамсык хара
Аартык буолуо.
Ону ааһар
Албастаах буоллаххына,
10120 Өҥөйөн кербүт киһи
Өҥөйбөтүнэн өлүк буолан
Өлөн түһэр,
Үмүрүччү тарда турар,
Үөдэн айаҕын
Өлөр өлүү ньүкэрэтин
Түгэҕэ буолуо.
240 -