Page 246 - Алаатыыр Ала Туйгун. 2-с үйэтэ

Убайым Уот Субурҕа бухатыыр
Орто туруу
10000 Дьоҕул дойдуттан
Уоран-талаан
Киллэрбит ойоҕун
Уһутуур уорҕатыгар,
Олорор ордуутугар
Олох тохтообокко
Туҥкэтэх Өлүү Ньүкэрэ Хара
Төрдүгэр түһэрбитэ.
Айыы кыыһа
Аҕыс былас суһуохтаах
10010 Айыы Ньулурдаан Куону
Аатырдан-сураҕырдан
Ойох ылан кэлбит диэннэр,
Аллараа, үөһээ дайды
Атамаан адьырҕалара,
Дуолан бухатыырдара
Сураһан-ирдэһэн
Сонордоһон кэлэннэр,
Тута балыһан
Былдьаһан-тарыһан
10020 Быһылааны тардыахтара диэн,
Өйдөөх бөҕө
Өйдөөн сиппэт,
Өлөр өлүү
Үөдэн айаҕын
Өҥөйдөр көстүбэт,
Үмүрүйэр түгэҕэр
Түһэрэн сүтэрбитэ,
Санаалаах бөҕө
Сабаҕалаан билбэт
10030 Таан-Таратыгар
Саһыаран тахсыбыта.
Ол тахсан
Уһуутуур уһук
Уораҕайын ортотугар
Утуйа сытар, — диэтэ.
Инньэ диэн баран,
Иннинэн-кэннинэн
Эргийтэлээтэ,
Иэнинэн тиэрийбэхтээтэ,
10040 Умсары хойуостанна
- 238 -