Page 295 - Алаатыыр Ала Туйгун. 2-с үйэтэ

Түгэҕиттэн түллэҥнээтэ,
Иһиттэн эппэйдэ,
Ортотутган оргуйда,
Наһаа дьалкыйда,
Толоостук долгуһуйда,
12110 Баһаамнык баалланна,
Ортотуттан уһаарда,
Үөһээттэн үүрдэ,
Түҥнэри-таҥнары булкуйда,
Тиэрэ-маары эргийдэ,
Умсары таҥнары ытыйда,
Тимирэ-тимирэ дагдайан,
Умса-умса күөрэйэн,
Өйө-төйө суох
Өрүтэ эппэҥнээтэ.
12120 Өйдөнөн кэлбитэ —
Кытыыга анньыллан,
Кыһамҥа сыбарыллан,
Өл үү Луо байҕал
Үөһээ үтүрүйдэҕинэ,
Үрдүк таас өрөһөтүгэр
Үлтү быраҕан,
Өрүкүс гыннарар,
Аллараа эҕирийиитигэр
Аана биллибэт
12130 Анылҕан муора түгэҕэр
Эҕирийэн ыла сытар эбит.
Сымара хара тааска
Тыҥыраҕа хатанна,
Суорба таастан тутуһан,
Үс күннээх-түүнү мэлдьи
Үнүөхтээн-үнүөхтээн,
Көмөҕөйүгэр диэри күөрэйдэ.
Т ардыстан-тардыстан,
Табыталыгар диэри таҕыста.
12140 Үөһээ-аллараа абааһылар
Үөмэлэһэн кэллилэр,
Үрдүгэр саба түстүлэр.
Үгүрэ часкыыр үксээтэ,
Ыһыы-хаһыы ыраатта.
Үөһээ бөҕөлөр
Тумул хайа
Туллан эрэрин курдук
- 287 -