Page 292 - Алаатыыр Ала Туйгун. 2-с үйэтэ

Оччоҕо буоллаҕына
Айыы хаан аймахтарын
Аҥаардастыы баһылаан,
Аһылык гыныах этибит диэннэр,
11980 Ыраахтан ыҥыртаран,
Улаҕатган урарстаһан,
Түгэхтэн түөһүннэрэн,
Үөһэни үмүөрүтэн,
Аллараны адаарытан,
Адьарай бөҕө атамаатгара,
Көстүбэт күтүрдэрэ,
Талыллан-талыллан,
Сүпсүһэн-сүпсүһэн,
Сүллүгэстээх сүлүһүннээҕэ,
11990 Батыйалаах албастааҕа,
Кылыстаах илбистээҕэ,
Идэмирдээх иҥсэлээхтэрэ,
Чупчурҕаннаах торҕотторо,
Аҥаа-моҕустара,
Айаҕымсах салбаныкылара
Мустан кэлэннэр,
Буор тумул саҕа
Болуоттаах бөҕө будулуйда,
Хара булгунньах саҕа
12000 Хайыыктаах бөҕө халлаҥнаста,
Ойдом тыа саҕа
Оҥочолоох бөҕө уодаҥнаста.
Бука бары өксөкү кыыл үрдүгэр
Саба түстүлэр.
Батыйалаах батыйанан
Батарыта кырбаата,
Кылыстаах кылыһынан
Быһыта сыста,
Үҥүүлээх үҥүүнэн
12010 Өтөрүтэ түстэ,
Сүллүгэстээх сүллүгэһинэн
Илдьи сыста,
Тыҥырахтаах тыҥыраҕынан
Тырыта тыытга,
Тумустаах тумсунан
Тобулута тоҥсуйда,
Тиистээх тииһинэн
Кичигирэччи көмүллээтэ.

- 284 -