Page 294 - Алаатыыр Ала Туйгун. 2-с үйэтэ

Сойуо тумустаах
Тобулута тоҥсуйда,
Тимир тиистээх
Тэһитэ ыстаата,
Оботтоох уостаах
Супту обордо.
Алын өртүттэн
Аҕыс атахтаах
12070 Хамсык хара үөннэр
Бүрүтэ кытаахтаан,
Тобулута тоҥсуйдулар,
Тимир тиистээх
Эриэн-чиэрбэ үөннэр
Эриллэ-эриллэ
Этин симэһинин
Эмэн чупчуйдулар.
Өлөр күнэ
Үтүрүйэн кэллэ,
12080 Хаалар күнэ
Хабырыйан кэллэ,
Алдьархайдаах албастан
Арахсар кыах
Адьас мэлийдэ,
Күтүрдэээх өлүүттэн
Куотар күүс баранна,
Бу күн өркөн ууһуттан
Көмүскүүр күдэн күүстээх көстүбэтэ,
Айыы хаан аймахтарыттан
12090 Абырыахха айылаах
Албан ааттаах мэлийдэ.
Бу өлөр өлүү
Луо байҕал
Үөнүгэр-көйүүрүгэр сиэтэн,
Аптаах абааһыларыгар
Аһылык буолан,
Биллибэккэ мэлийэн,
Көстүбэккэ сүтэр күнүм
Кэллэҕэ диэн,
12100 Күүһэбыстан,
Күдэҕэ эстэн,
Көбүөхтүү сытта.
Өлүү Луо байҕал
Улаҕатыттан уораһыйда,
- 286 -