Page 290 - Алаатыыр Ала Туйгун. 2-с үйэтэ

11890 Барытын бааллаата,
Ордорбокко уһаарда.
Тимирбит тимирдэ,
Умсубут умуста,
Өлбүт ӨЛЛӨ,
Мэлийбит МЭЛИЙДЭ,
Күөрэйбит көппөйө уһунна,
Дагдайбыт даллаахтыы сырытта.
Алдьархай бөҕө
Дьэ ааҥнаата,
11900 Аймааһынбөҕө
Дьэ таҕыста.
Уоскуйан тохтуур
Оргул аата
Олох оппотох,
Харбаһан тахсыах
Хахха аата
Ханна да хаалбатах,
Тохтуу түһүөххэ
Состуой аата
11910 Долуой мэлийбит.
Өлүү-сүтүү үксээтэ,
Үөдэн-таһаан буолла.
Үөһээ халлаан,
Аллараа халлаан
Муора уута
Мотуохтаан турда.
Өксөкү кыыл
Өлөр-тиллэр мөхсүүтүн
Мөхсө сатаан кэбистэ.
11920 Абааһы кыыһын тыла
Арахсан сахсайбата,
Өһүллэн сөллүбэтэ,
Эбни кытаатан,
Ибили эрийдэ,
Ыксары ылан,
Ыйыллан истэ.
Ол да буоллар
Абааһы да кыыһа
Аллараа тардан ылан,
11930 Ыйыстан кэбиспэтэ.
Айыы да бухатыыра
Кыайан соһон тахсан,

- 282 -