Page 296 - Алаатыыр Ала Туйгун. 2-с үйэтэ
P. 296
Муустаах дохсун буурҕанан
Уу харахтаах көрбөт гына,
12150 Утары уһуурдулар.
Аллараа бөҕөлөр
Буордаах хара курдьаҕанан
Сирэйдэри-харахтары
Силлиэ-холорук курдук
Сабыта тибиирдилэр.
Ахсаана биллибэт
Айаҕымсах абааһылар
Ааҕый оҕус ситимин курдук
Ап-чарай быанан
12160 Ииччэх-бааччах
Эрийэ-эрийэ
Өлүү Луо байҕал
Түгэҕин диэки
Таҥнары тартылар.
Үөһээ өртүттэн
Сүлүһүннээх илбистээх
Сойуолаах соллоҥ хара сүлл үгэһинэн
Үлтү сүллүгэстии турдулар.
Сэттэ күннээх-түүн
12170 Тимэхтэһэн тиийэн
Кэлиэр диэри
Сыыллан-сыыллан,
Сыҕарыйан-сыҕарыйан
Быһаҕаһыгар диэри быкта,
Быгыахтаан-быгыахтаан,
Былтайан-былтайан
Бүтүннүү таҕыста.
Буору булла,
Биэрэккэ үктэннэ,
12180 Дэриэспэ таастан тирэннэ,
Сай таастан тардыстан,
Суорба таастан тутуһан,
Тардыһыы кытаанаҕын тардыста,
Дьүккүһүү күүһүн дьүккүйдэ.
Абааһы кыыһа
Буруус тааска
Моойдоох-баһыгар диэри
Батары түстэ,
Чакыыр хара таастан
12190 Саннытган анньылынна,
- 288 -
