Page 297 - Алаатыыр Ала Туйгун. 2-с үйэтэ

Адаардаах төбөлөөх
Аарыма хайаттан тэбинэ-тэбинэ,
Аллараа-таҥнары тардыста.
Өксөкү кыыл буоллаҕына
Үрдүк күкүр таас хайа
Өрөһөтүттэн тэбинэ-тэбинэ,
Үөһээ-өрө дьүккүйдэ.
Абааһылар үмүөрүһэ түстүлэр.
Айдаан бөҕө аһылынна.
12200 Часкыйа-часкыйа
Үөгүлэһэ сырыттылар:
— Алдьархайдаах аллараа дойду
Аҕа баһылыга буолбут
Арсан Дуолай оҕонньор
Аптаах кыыһа
Ап Салбаныкы удаҕан
Обургу дьаалы
Айыы хаан аймахтарын
Албан аатгааҕын,
12210 Дьоһун сурахтааҕын,
Дуолан бухатыырдарын
Бачча боҕотуннаран бараҥнын,
Мүччү тутума,
Сыыһа харбаама,
Дьоһун сураҕын сүтэр,
Албан аатын мэлит,
Өлөр үөһүн быһа тарда оҕус,
Сүллүүлээх сүрэҕин хаанын
Супту уулаан,
12220 Сибилигин сии-аһыы тардыый, — диэтилэр.
Сахсырҕа курдук сааҕынаатылар,
Күлүмэн курдук күүгүнээтилэр,
Үөн-көйүүр курдук
Үрдүгэр саба түһэн,
Үллэҥнэһэ сырыттылар.
Иҥиир быстар
Эрилгэннээх эриһиитэ буолла,
Силгэ уунар
Ньиккиргэннээх тэбиниитэ буолла,
12230 Тыын быстар
Сындааһын сыыйыллар
Тыҥааһыннаах тыыллыыта буолла.
Өлөр-тиллэр
- 289 -