Page 293 - Алаатыыр Ала Туйгун. 2-с үйэтэ

Сахсырҕа курдук сааҕынастылар,
12020 Күлүмэн курдук күүгүнэстилэр,
Үрүт үрдүлэригэр түсүһэн,
Өрүһүспүт курдук
Үөмэхтэһэ сырытгылар.
Өксөкү кыыл
Өлбүт курдук
Тарайа уҥан таалан сытта.
Эмискэччи үлүгэр
Тыын киллэрдэ,
Тымыра тэптэ,
12030 Тиэрэ-маары хаалаахтаата,
Өрүтэ үөмэхтээтэ,
Таҥнары сапсыйда.
Мустубут абааһылар
Бука барылара
Муора түгэҕэр булкуллан,
Будулуйа тимирэн,
Букатын мэлийдилэр.
Тоҕус күннээх-түүн
Т омтойо-торолуйа
12040 Туолан кэлиэр диэри
Дохсун мөхсүүнү
Мөҕүстүлэр да,
Ап Салбаныкы удаҕан
Хамсык хара тыла
Хам ыга эрийдэ,
Хамсаабат үл үгэр буолла.
Адьарай бөҕө аймахтарыттан
Көстүбэт бөҕө күтүрдээхтэриттэн
Ааһар албастаахтара,
12050 Куотар кубулрттаахтара
Иккиһин мустан
Эймэҥнээн кэллилэр,
Иҥсэлээх элиэ курдук
Элиэтээн сабдыҥнастылар,
Оботтоох суор курдук
Чуубурҕаһа-чуубурҕаһа чуоҕуйдулар,
Үрдүгэр саба түһэн,
Үөмэхтэһэн бардылар,
Үрүтүн үөһэ сохсолостулар.
12060 Сытыы тыҥырахтаах
Тырыта тыытта,

- 285 -