Page 301 - Алаатыыр Ала Туйгун. 2-с үйэтэ

Үтүө-тэгил ыччаггарым
Куттанан куотан,
Уолуйан-соһуйан,
От-мас төрдүгэр
Хорҕойуохтара буоллаҕа,
Үөрдүһэн үөскээбит
Үрүҥ сүүрүктэрим
12370 Үргэн-сиргэнэн
Үрдүк хара тыаҕа
Өрө сырсан тахсаннар
Кый барыахтара буоллаҕа,
Ханыылаһан үөскээбит
Хара сүүрүгүм
Үргэн-өрүкүйэн,
Сиргэнэн-тэбиэһирэн,
Сис хара тыаҕа
Тигинии сырсан тахсаннар,
12380 Выдан ыраах
Бытанан ыһыллан,
Бырах барыахтара буоллаҕа.
Илэ бэйэбинэн
Эт дьүһүммүнэн тиийдэхлинэ,
Сөп буолсу диэтэ да,
Орто туруу дойду
Унаарар оһуордаах уорртыгар,
Аан дайды
Айгырастаах таһаатыгар,
12390 Намтаан-санньылыйан
Таҥнары нэмирийэн кэлэн,
Аҕыс айаан үрэх
Айгыстар айаҕар,
Туората-устата көстүбэт
Туман түспэтэх,
Тобурах тохтооботох
Торҕо күөх толоонугар
Соҕотохто холоруктаан ылыытыгар
Эт бэйэтинэн,
12400 Илэ дьүһүнүнэн
Тура түстэ.
Ол гынан баран
Үс үөстээх
Өркөн кылыс
Куо-дьэллик
- 293 -