Page 120 - Неизвестное название

Буруус таастары
Буор былыт курдук
Бурхачытан бурайан,
Калйыл сымара таастары
4890 Кыраһа хаар курдук
Кыыс бэрбээкэйинэн
Хайыта тыыран,
Халыһытан барбыт.
Ол хайыһар суолун
Суоллаан ирдээн,
Таас төкөрүҥүнэн,*
Тарайа сэлиинэн
Тэбиэһирдэн-сикситэн,
Тэбилиннэрэн истэ.
4900 Төһө да бириэмэҕэ
Айаннаабытын билбэтэ.
Ол курдук
Омуннаахтык-төлөннөөхтүк
Уурдаран-оҕустаран истэҕинэ,
Били киһитэ биир сиргэ
Түөрт үтэһэҕэ
Түөрт буур тайаҕы үөлбүт,
Күөһэ-аһа буспут
Бу ыгдаллан олорор эбит.
4910 Кини тиийэрин кытта
Икки үтэһэлээх тайаҕын
Кини диэки
Анньан кэбистэ.
Икки үтэһэлээх тайаҕын
Уолугун үүтүнэн
Олбу-солбу угуталаан
Ыгдах-ыгдах ыйыстан баран,
Мэлис гыннаран кэбистэ.
Тустуулаах Дьуруо Бөҕө
4920 Атыттан ойон түһэн
Үтэһэлээх аһын
Дар гынан
Ылаары гынан эрдэҕинэ,
Хайыһардаах киһитэ;
— Уо-татай, уо-татай!
Босхо бас быһа быстан
Түһээри гынна быһыылаах, — диэтэ да,
Хайыһарын үрдүгэр түһэн,

-119-