Page 115 - Неизвестное название

Хаҥкыр кына олоро түстэ,
Тарас кына сыта биэрдэ,
Сигидис гына тура түстэ,
Аччаан-аччаан
Ааҕый саҕа буолан,
Аабыгырайан даабыгырдаата,
Сахсырҕа саҕа буолан
Сарахаччыйа сараҥнаата,
Үрбүт хабах курдук
4680 Үллэн-үллэн ураһа саҕа буолан,
Ураадыйан туоллаҥнаата,
Багдайан-багдайан
Балаҕан саҕа буолан,
Багдайан даадаҥнаата,
Былта йан - былтайан
Былыт курдук быластаата,
Уһаан-уһаан
Үрдүк былыт соһуутугар тиийэ,
Унньулуйан таҕыста.
4690 Ону көрөн туран,
Тустуулаах Дьуруо Бөҕө:
— Арт-татай, оҕолоор!
Тэллэххэ сытар тэҥнээҕим,
Хоонньуга сытар холооннооҕум,
Күндү күөрэгэйим оҕото,
Аччаабыккын даҕаны
Алые да астына санаатым,
Улааппыккын-уһаабыккын
Олус да сонургуу көрдүм,
4700 Аны сэгэттэйим оҕото,
Синньиириҥ даҕаны
Сиэдэрэй буолуо,
Эбээт,— диэтэ.
Онуоха абааһы кыыһа:
— Сибилигин aijaii
Хол-буут курдук холбоһор
Холоонноох доҕорбор
Тугу этэргин
Толорботтоох буолуом дуо?
4710 Сиэдэрэйдиир буоллаххына,
Синньээбэхтиир да бэйэкэм,— диэтэ да,
Синньээн-синньээн
Ситии* курдук сьтыйылынна,
- 114 -