Page 124 - Неизвестное название

Дохсун күүстээх
Дуолан бухатыырыгар
5060 Түбэһэн туттардахпыный?
Халыан айаннаах
Хаҥыл акаарыны
Хаппарын иһиттэн
Хаппар куҥнары
Хайа быһан
Хааларым буолуо,
Түгэх өртүнэн
Дьүлэй куҥнары
Дъөлө быһан
5070 Түһэрим буолуо диэн,
Хаппарын түгэҕинэн
Хаппар куҥа буолаарай диэн,
Ийэтин кылыһынан
Хайыта дайбаары
Таарыйталаан көрбүтэ—
Хатан биилээх халтарыйар,
Сытыы биилээх сынтарыйар,
Уһуктаах өргөстөөх өҕүллэр,
Туох да ааттаах
5080 Торҕо биилээх тоҕу охсубат
Суорба хаар түҥ балай
Дайды буолла.
Кырбаан көрбүтэ
Кытаанах буолла,
Эггээн көрбүтэ
Эстэрик сада эмтэрийбэтэ,
Тиҥилэхтээн көрбүтэ — сиэкинийбэтэ,
Тобуктаан көрбүтэ — доргуйбата,
Анньыалаан да айгыраппата,
5090 Тэбиэлээн да ньиргиппэтэ.
Били баҕайы
Хайа да диэки
Хайыспытын билбэтэ.
Хайыһарын түргэнэ
Сата курдук часкыйда,
Тыал курдук куһуурда,
Буурҕа курдук бурҕачыйда,
Силлиэ курдук
Силигирэтэн истэ,
5100 Кини буоллаҕына

- 123 -