Page 127 - Неизвестное название

Алаас сыһыы саҕа
Аарыма таас
Булгунньах үрдүгэр
5190 Туруоран кэбистэ.
Бэйэтэ буоллаҕьгна
Баараҕай тумул
Бысадаһын саҕа буолан
Багдайан үллэ турда.
Тустуулаах Дьуруо Бөҕө
Туох дойдуга
Кэллим диэн
Тула көрөн кэбиспитэ —
Күнү бүөлүүр
5200 Күтүр таас хайалар
Күөнтэһэн күлүгүрэн көстөллөр,
Ыйы хаххалыыр
Ычалаах саталаах
Ыраах дбйдуттан
Ыһытыы-часкыйа турар
Кыраһаны-кырыаны тохтоппотох
Кыһыл сымара
Кылаадьа таас хайалар
Кыларыһан тураллар эбит.
5210 Үрдүк халлаан
Өрүкүйэр өрөһөтүн
Өтөрүтэ көтүөх курдук
Өргөстөөх төбөлөөх
Үрдүк туруук таастар
Өрүтэ үүнэн,
Үөмэхтэһэн барбъгггар,
Эрдэҕэс улар кыылым
Эбирдээх куорсунун курдук
Эбир-дьаҕыл буолан
5220 Эбиэриһэн көстөр
Илин дайдылар
Эҥсилгэннээх тардыытын диэки
Ийэ буору ибили солоон,
Сис хара тыалары
Сиҥнэри көтөн,
Сириэдиһэн-хоролуһан түспүт
Сирилгэн-күрүлгэн үрэхтэр
Сиэттиһэн-ситимнэһэн,
Эккирэтиһэн сайыалаһан,
- 126 -