Page 128 - Неизвестное название

5230 Эҥсиллэн-дьалкыллан барбыттар.
Анысханнаах салгыннаах
Алтай өҥнөөх
Арҕаа халлаан
Алын сиксигин диэки
Сат кыылым
Сарбынньахтаах куорсунун
Тарҕата туппут курдук
Сараадыйан көстөр
Сарбынньах төбөлөөх
5240 Тараҕай таас хайалар
Дьалхааннаах таһааларыттан
Таҥнары тардыллан,
Дьалкыллан-эҥсиллэн түспүт
Аҥылҕан-иэҕилҕэн үрэхтэр
Аҥылыһан-мэгилиһэн,
Арҕам-тарҕам
Аргыстаһан барбыттар эбит.
Соҕуруу диэки тутулуга биллибэт
Дьулусханнаах дьолуо маҥан халлаан
5250 Тумарыктаах улаҕатыттан
Толбоннонон көстөр
Суку-чуоҕур дойду
Туйгутуур уорҕатыгган
Тутуһ ан -туймууланан,
Дьураадыһан кэлбит
Туналҕан маҥан үрэхтэр
Тоҕута солоон,
Дохсун уулаах
Чочулзаннаах сүүрүктээх
5260 Тоҥ буордары
Тобулута солоон,
Туруук хайалары кытта
Туруулаһан-охсуһан,
Сууйан-тараан
Суураллан-суккуллан,
Куотан ааһан
Хоту диэки
Кубарсыйар өҥнөөх
Курааһы маҥан халлаан
5270 Күтэриктээх алын өртүнэн
Холоруктаах буурҕалаах
Кудулу муус

127 -