Page 126 - Неизвестное название

Ол иһин даҕаны
Үгүстүк өлөрсүбүт,
Элбэхтик эрэйдэммит дьон
Билэн эппит эбит буоллахтара.
Ону истибэккэ
Омуннаах санаабынан,
5150 Уордаах өйбүнэн
Охсуһуом-туруулаһыам диэн,
Эрчимнээхтик сананан,
Эккирэппит эбиппин,
Чочулҕаннык туттан,
Сонордоспут эбиппин,
Бу хараҥа балай
Хаппар иһигэр
Хараҥаччы кыыл курдук
Хааттаран бараммын
5160 Хаһан тахсан,
Хардааччы бөҕөлөрү кытта
Харсы һан-туруулаһан,
Көстүбэт бөдө
Күтүрдээхтэрин кытта
Күрэстэһэн охсуһан,
Өлөр тыыны өрүһүйүө.м,
Хаарыан тыыны
Хараһыйан ылыам диэн,
Кэлбит бэйэккэбиний?
5170 Бу маннык дохсун өлүүттэн
Тугунан өрөһүнэбит,
Ахсым алдьархайтан
Хайдах арахсабын,
Өлөр күн үтүрүйдэ,
Хаалар күн хабырыйда диэн,
Тууйуллан-тумнастан истэ.
Ити курдук баран иһэн,
Дохсун этиҥнии
Ньирилээн-ньирилээн тиийэн,
5180 Суоруйан-суоруйан
Тохтоото быһыылаах.
Тустуулаах Дьуруо Бөҕөнү
Хара килэдьи
Хаппарын иһиттэн
Хараҥаччы кыыл курдук
Хам тутан таһааран,
- 125 -