Page 142 - Неизвестное название

Адьырҕата атаҕастаата,
Көстүбэт бөҕө
Күтүрдээҕэ күөмчүлээтэ.
Ол тугуй диэтэххитинэ,
Умсулҕаннаах ньуурдаах
Оҕо Ньургустай диэн
Балыстаах этим.
О ну буоллаҕына
5840 Аллараа дойду
Алдьархайдаах адьырҕата,
Тимир Сигиди бухатыыр
Уоран-талаан барбытын
Ирдээн-сураан
Эккирэтэн иһэр этим.
Аҕам Алаатыыр Ала Туйгун
Этиитэ баар этэ,
Эргэнэ хара тыа
Иччилэрин көрүстэххинэ,
5850 Ыллыккын аартыккын ыйдаран,
Суолгун-иискин
Сураһан көрөөр диэбитэ.
Ол адьарай бөҕө
Араскааттаах аартыгын,
Олурҕалаах суолларын
Тобуллахтарына кинилэр тобулуохтара,
Тиэртэхтэринэ кинилэр
Тиэрдиэхтэрэ диэбитэ.
Ол убайдарбын булан
5860 Үөрэ-көтө көрүстэҕим.
Хайдах курдук
Ааһар бөҕө албастаах,
Куотар бөҕө кубулҕаттаах
Дьон эбиккитий.
Ол түҥкэтэх
Өлүү дойдутутар
Түһэрэргит буоллар,
Анаарбатах удьуор
Амырыын дайдыга
5870 Атаараргыт буоллар,
Албан ааккытын
Аан дойдуга
Аатырдыам этэ,
Дьоһун сүраххытын
— 141 -