Page 144 - Неизвестное название

Баран да кер,— диэтэ да,
Өрө үрэн өрүкүтэн кэбистэ.
5920 Тэтиҥ сэбирдэҕин курдук
Тэлээрис гынарга дылы*
Кынарын кытга
Икки кулгаадын тыаһа
Суостаах хобо тыаһын курдук
Чуҥкунуу түстэ.
Эмискэ үлүгэр
Ытыс таһынар ыас-хараҥа
Харах буурҕа
Халарык ортотугар
5930 Туҥ-таҥ ытыллан,
Түҥкэл-таҥхал* түһэн истэ.
Өр да айаннаабытын билбэтэ,
Муустаах буурҕа тобулу суурайда,
Саталаах чысхаан хайыта сыбаата,
Оботтоох тыал субуруйда,
Уҥуоҕун куодаһынын оҕуста,
Этин симэһинэ эһиннэ,
Кыһыл эт баранна.
Кырамта унуоҕа,
5940 Икки хараҕын дьүккэтэ
Тугу да көрдөрбөт гына
Түннүк мууһун курдук
Түҥнэри эргийэн хаалла.
Икки кулгааҕын кулугута
Туту да иһитиннэрбэт гына
Уһулу ойон таҕыста.
Кэтэҕин кириҥэтэ
Клип мае курдук
Кэнэччи татта.
5950 Тоноҕоһун уҥуоҕа
Токуруйбат гына
Чуор мае курдук
Чоноччу тарта,
Көнтөччү көһүйдэ,
Тараччы тоҥно,
Мунду хараҕын саҕа
Боролуччу көрбөт буолла.
Күн айыы дьоно
Күөнэх хараҕын саҕа
5960 Көхсүн иһигэр,
- 143 -