Page 145 - Неизвестное название
P. 145
Өйүгэр-санаатыгар
Охсуллан ааспат буолла.
Бардар бараммат,
Бадаҕа биллибэт
Балай хараҥа дайды
Барыаран-күлүгүрэн барда.
Кэтэстэр кэлбэт,
Кэлбэлдьийбэт-иэҕэлдьийбэт
Кэтит үтүгэн
5970 Кэдирги сиксигин диэки
Киирэн истэ.
Түстэр бүппэт
Түҥкэтэх улуу дойдутун
Түҥкүнүүр түгэҕин диэки
Түҥнэри түҥкэлийэн
Түһэ турда.
Айан киэнэ алдьархайдаах
Аалсыһыылааҕа буолла,
Суол киэнэ сындалҕаннаах
5980 Сырыылааҕа буолла.
Сындааһын сындалыйда,
Сыра быһынна,
Сылба эһиннэ,
Өлөр күн үтүрүйдэ,
Хаалар күн хабарыйда.
Тыалы кытта тыал буолан чыскыйда,
Буурҕа ортотугар
Будулуччу булкулунна,
Холорук ортотугар
5990 Халаахтыы сөрөнно,
Онно-манна
Очуоска охсулунна,
Тааска сахсылынна,
Хапчаан хабырыйда,
Эриллэҕэс эрийдэ,
Буруллаҕас мускуйда,
Өҕүлэх үтүрүйдэ,
Туой сулуйда,
Кыһам кыһарыйда,
6000 Очур оҕуста,
Тэхтир тэптэ.
Өйө-төйө суох
Үнтү сынньылынна
- 144 -
