Page 147 - Неизвестное название

Халыгырыы мөҕүстэ.
Кэмниэ-кэнэҕэс
Өйдөнөн кэлэн,
6050 Өлбөөдүччү* көрдө.
Туох дойду дьулаҕайыгар
Түстүм диэн
Тула көрүммүтэ —
Тутулуга көстүбэт
Туман күдүө,
Дохсун буурҕа
Тумарыктаах дойду буолла.
Өрө көрөн кэбиспитэ —
Өксөкү кыылым
6060 Көхсүи өһөҕүн курдук
Өлбөөдүйэн көстөр күннээх,
Ытык сылгы
Төбөтүн уҥуоҕун курдук
Ырдьаччы тыкпыт ыйдаах,
Хахай кыылым
Хара быарын курдук
Хаан аладай халлааннаах,
Иһийэн-дьиппиэрэн турар
Илэһийбит-куоһуйбут
6070 Иҥнэстигэс сирдээх,
Сата буурда сатыылаабыт
Таҥнастыгас дайдылаах,
Оботтоох оттоох,
Баҕыырдаах мастаах,
Барбатах-буспатах
Балык миинин курдук
Барык-сарык,
Бадыа-бүдүө
Барын'ый дойду буолла.
6080 Бу дойду эймэҥнэһэр иччилэрэ
Хамсыыра харамайа
Хайдаҕый диэтэххэ,
Арбахтаах бэс сада
Абааһыта агдайа сиэлбит,
Көмнөхтөөх үөт саҕа
Көстүбэтэ көппөйө сүүрбүт,
Көстө-көстө күлүмнэспит,
Биллэ-биллэ бэриҥнэспит,
Тута-бааччы суодаҥнаспыт

- 146 -