Page 168 - Неизвестное название

6950 Маҕайкаан аллаах
Боотура диэн баҕайы
Булгунньах сада эбит.
Мин диэтэх киһиттэн
Балтын оҕотун
Былдьаан-талаан бараарыгын
Батыһан кэлбитиҥ дуо?
Нойон киһиэ,
Оннук эбит буоллаҕына,
Сибилигин саманна
6960 Хол-буут араарыам,
Мүһэ-мүһэ бысталыам,
Ытык ыһыахпар,
Түөлбэ түһүлгэбэр,
Бөҕөс үтүөлэригэр
Бөдөҥ мүһэҕин биэртэлиэм,
Тутан кыайбыггарга
Сотоҕун-харыгын туттарыам,
Түһүлгэ бастыҥнарыгар
Төбөҕүн тиниктэтиэм,
6970 Сүллүүлээх сүрэххин
Сүлүһүннээх үтэһэҕэ үөлэн,
Быһыйдар сүүрэр
Биэтэктэригэр анньыам,
Хайгыалаах хара быаргын
Икки үллэр бүергүн
Луоҕа Тойон аҕабар,
Сыылаҥкай Хатын ийэбэр
Сэмсэ туттарыам,
Дьардьамаҥ уҥуодунан
6980 Чэчир анньыам,
Ээххин этитиэм,
Тылгын ыйытыам,
Тыыҥҥын иһиллиэм,
Кэриэс тылгын эт,
Кэс тылгын
Кэпсии оҕус, — диэтэ.
Тустуулаах Дьуруо Бөҕө
Тыллаах-өстөөх буола турда:
— Дьиэ-буо, дьиэ-буо!
6990 Күн айыы аймахтарыттан
Кү үст үүн-күд эхтиин,
Көрүҥнүүн-үскэллиин
- 167 -