Page 167 - Неизвестное название
P. 167
Оҕо Ньургустайы
Уу хонноҕун аннытган ылан,
Сулбу охсон ылаары,
6910 Муҥутуур түргэннээх
Муҥ кыраадыһынан
Мохсоҕол кыыл курдук
Харбаан ылан эрдэҕинэ,
Абааһы уола
Сырҕан эһэ курдук
Часкыйа түһэн баран,
Буордаах хоппону
Умсары туппут курдук
Туорай дапсыыр ытыһынан
6920 Тиэрэ садьыйан кэбиспитэ —
Тустуулаах Дьоруо Бөҕө
Туона устата
Холобурдаах сиргэ тиийэн
Тура түспүт эбит.
Аптаах хаппар
Сабылла охсон хаалла.
Абааһы уола
Үөһүн таттаран
Үөгүлүү түстэ.
6930 Үөһээ уоһа
Үс былас холобурдаах
Өрө сөтөрүйдэ,
Аллараа уоһа
Алта былас холобурдаах
Аллараа сатарыйда,
Айаҕын алдьаммыт хотон
Аанын курдук
Адаа-быдаа тииһин ардьатан,
Ардьаччы атта,
6940 Харалаабыт хотуур курдук
Хатан-баҕыыр тыҥыраҕын
Сарбатыаҕынан сарбатан баран,
Сырҕан эһэ курдук
Саба түһээри,
Сабырыйан кэллэ,
Саҥа аллайан сатаарыта турдаҕа:
— Буойака, буойака!
Аарт-татайык,
Ар-дьаалы, оҕолоор!
- 166 -
