Page 181 - Неизвестное название

Хахайдыы хаһыытаата,
7510 Өксөкүлүү үөгүлээтэ,
Абааһы уолугар уун-утары
Ыстанан тиийдэ.
Томтойор түөстэринэн
Сүүллээх этиҥ курдук
Кэтиллэ түстүлэр.
Түспүт омуннарыгар
Туона устата холобурдаах
Төттөрү тэйистилэр.
Дөрбөгөйдөөх түлэкэй
7520 Хара обургу
Үөл эттээҕи чугаһаппат
Өтөрүтэ-батарыта түһэр
Ү ҥүү-батас. курдук
Үөрбэ дьөлө курдаһан
Өлөр-өлүү, дьулаҕай хара
Куйахтаах күтүр буолла.
Инчэҕэй эттээҕи тулуппат
Инньэ-бүргэс кылааннаах,
Оботтоох-уһуктаах,
7530 Хатан тимир хатыылаах
Халыҥ дьапталҕа
Таҥастаах баҕайы буолла.
Онон эбит буоллаҕына,
Куйаща суох
Куһаҕан буолбут,
Эт бэйэтинэн киирсэр
Итэҕэс эбит.
Кыһыл этинэн киирэн
Хады харбастахха
7540 Куйаҕа хайыта-тырыта аалыыһы,
Куду куустаҕына,
Суптүрута дьөлүтэ көтүүһү.
Ол иһин дубук соҕус
Тутуһарга толкуйданна,
Халты соҕус
Хапсыһарга сананна.
Тустуулаах Дьуруо Бөҕө
Туттарыах бокуойа суох
Сулумах оноҕос курдук
7550 Сулбурута ойон киирэн,
Соһумар үлүгэрдик

- 180 -