Page 182 - Неизвестное название

Туора-маары быраҕаттаан,
Харбатыах бокуойа суох
Хапсаҕай үлүгэрдик
Хардары-таары халбарыйда.
Абааһы уола
Тутаары тулахаччыйда,
Харбаары халахаччыйда.
Ол да буоллар
7560 Халты харбаата,
Кураанаҕы кууста,
Сымыйаны тэптэ,
Ууну оҕуста,
Салгыны дайбаата,
Сэттэтэ буору харбаата,
Аҕыста аттаата,
Тоҕуста тобуктаата,
Иннин-кэннин билбэтэ,
Илиэх-балаах эргийдэ,
7570 Илэй-балай харбаата,
Имин туомун туппаласта.
Тустуулаах Дьуруо Бөҕө
Абааһы уолун
Кыырт мохсоҕол курдук
Кыыс бэрбээкэйиттэн ылан,
Үөһээ дойдуга
Өрө көтөҕөн таһааран баран,
Умсары эргитэн аҕалан.
Дьулаҕай тааска
7580 Төбөтүн оройунан
Үлтү быраҕан түһэрдР.
Дьулайын то буду бырахтаран,
Тарайа уҥан хаалла.
Абааһылар айдаарыһан,
Аймалаһа түстүлэр.
Ол гынан баран
Оботтоох-чупчурҕаннаах,
Оһоллоох-сутуруктаах,
Ороскуоттаах-сутуллаах,
7590 Охтон бүдүрүйэн көрбөтөх,
Уоһуйа Хара бухатыыры
Ойутан киллэрдилэр.
Ол обургу-дьаалы
Уоскутуо, тохтотуо баара дуо?
- 181 -