Page 183 - Неизвестное название

Уун-утары
Түһүспүтүнэн барда.
Бу эмиэ тугтар эрэ
Тобулу тутар,
Харбаатар эрэ
7600 Хайа тардар,
Туппутун мүччүрүппэт,
Уоппутун уураппат,
Ытырбытын ыыппат,
Ынырык абааһы буолла.
Тустуулаах Дьуруо Бөҕө
Чобуо сутуруктаахха
Таба оҕустарбат,
Дьороҕой илиилээххэ
Түбэһэ туттарбат
7610 Салыҥнаах сордоҥ курдук
Сылбаргы сыыдам киһи буолла.
Хапсаҕай үлүгэр
Хатан тарбахтаахха
Таба харбаппат
Хатыылаах хаахынай курдук
Халбархай аһылык уол буолла.
Абааһы уолугар
Тарбаҕын таарыйтарбата,
Тыҥыраҕын тыыттарбата,
7620 Тугуттан да туттар бата.
Туона устата сиртэн
Сулугур оноҕос курдук
Сулбурута ойон кэлэн
Тоҥолоххо анньан,
Тобукка тэбэн
Тобуктатан туруйалатан барда.
Этиэх түргэнэ
Тиэрэ-маары бырахта,
Хардары-таары халбарыйда,
7630 Түлэс-балас түһэрдэ,
Түҥ-таҥ ытыйда
Эрийэ-буруйа халбарыйда,
Өйүн-төйүн булларбакка,
Үөһэ-аллараа үктэннэрдэ.
Абааһы уола ат-бук буолан*
Атарбастаан барда.
Охсобун диэн урбачыйда,
- 182 -