Page 22 - Неизвестное название

Араҥаччылыырга, көмүскүүргэ
Ананан айыллыбыт
Аллаах айаннаах,
Ахсым сырыьглаах
590 Араҥас сиэр аттаах
Алаатыыр Ала Туйгун
Бухатыыр обургу
Суон дугдалара,
Халыҥ хаххалара
Буолбут эбит.
Кини обургу-дьаалы
Тааҕылаах убаһатын
Таба харбатыа суоҕа,
Толугурдаах торбуйаҕын
600 Туура тугтарыа суоҕа,
Тыынар-тыннааҕын
Тынырахтаахха тыыттарыа суоҕа,
Хамсыырын харамайын,
Хара күлүктээҕин
Тарбахтаахха таарыйтарыа суоҕа.
Тыытыһа сылдьымаҥ,
Тыҥыраххытын сарбатымаҥ,
Туруулаһан да
Тулуһуоххут суоҕа,
610 Туос тордуйа курдук
Тоҕо кэһиэ диэннэр
Толлон, куттанан,
Төттөрү чугуруйан,
Кэхтэн-кэбэлийэн,
Саһан-самнан,
Хаптайан-кирийэн
Хаалаллар эбит.
Ити курдук кинилэр
Иирээннээх-илбистээх,
620 Эрэйдээх эриэһиннээх,
Эҥискэҥнээх салгыннаах
Илин-арҕаа дойдулар
Иҥнэстэр түгэҕэр,
Иҥиэттэр сиксигэр
Эймэҥнэһэн үөскээбит
Идэмирдээх-соллоҥноох
Иҥсэ-мэнэгэй
Ийэлэрин ууһуттан

- 19 -