Page 23 - Неизвестное название

Иҥсэлээх элиэ курдук
630 Эймэҥнэһэн тахсан,
Элиэтээн көрө-көрө.
Эмиэ да дьулайан,
Иҥэн-сүтэн
Им-дъим мэлийэллэр эбит.
Ол курдук орто дойду
Уораһыйар улаҕатыгар
Олохсуйан үөскээбит,
Уобар-соллоҥ иҥсэлээх
Оһол-төрүөт олохтоох
640 Оботтоох-чупчурҕаннаах
Отут удурхаччы хара
Удьуордарыттан-биистэриттэн
Уора туттар уомардаах,
Кистии тутар кэмэлдьилээх,
Саһыара тутар саҥнаах,
Хорҕото тутар кубулҕаттаах,
Сөрүү тутар сүлүһүннээх,
Аһара тутар адьынаттаах,
Ааһар бөҕө албастаахтара,
650 Куотар бөҕө кубулҕаттаахтара,
Хоту-соҕуруу өттүлэриттэн
Куордаахтык-куодаһыннаахтык
Хончоҥноһон көрбөт,
Илин-арҕаа өттүлэриттэн
Иҥсэлээхтик-илбистээхтик
Эймэннэһэн кэлэн
Элиэтээбэт буолбуттар.
Соһу былыт ардайдаах,
Дугуй былыт оһуордаах,
660 Толон самыыр ыһыахтаах,
Дохсун этиҥ дапсыырдаах,
Субурга чаҕылщан дуксуурдаах,
Добун сйллиэлээх,
Дохсун буурҕалаах,
Сут курааһы* тыаллаах,
Соҕуруу суккуллар
Добун маҥан халлаан
Тумарыктаах улаҕатыгар,
Суураллар дьуодьатыгар,
670 Суккуллар түгэҕэр
Дугуйданан олохсуйбут
- 20 -