Page 185 - Неизвестное название

Чарааһаан барда.
Дуолан куйаҕа суорба тааска
Тоҕута суураллан,
Тооронон-эмтэрийэн,
Лоһугуруу тохтон,
Тулумнанан истэ.
Кэнникинэн кээһэнэн-тооронон,
Илдьи сынньыллан,
Эстэн барда.
7690 Тустуулаах Дьуруо Бөҕө
Үтүмэх устата холобурдаах
Үөһээ дойдуга
Өрө ыстанан тахсан баран,
Абааһы уолун
Үрүҥ сүнньүгэ тэптэ.
Үргүлдьү өртүгэр мииннэрэн,
Умсары халбарыйан,
Хара сымара тааска
Хаалдьыгын хайа быраҕан түһэрдэ.
7700 Абааһылар аймалаһа түстүлэр.
Бу орто дойду
Орой мэник уолун
Уодьуганын тардыахха,
Оҕуурдаан тутуохха,
Охторон боҕутуннаран
Хол-буут арааран,
Мүһэ-мүһэ бысталаан,
Төбөлөрү-мүһэлэри
Чөмүччү бүтүннүү,
7710 Лөкө-лөкө үллэстэн,
Чэгиэн этин сэймэктээн,
Сибилигин түргэнник
Сии-аһыы охсуоҕуҥ дэсиһэн,
Абааһы адьырҕалара,
Көстүбэт күтүрдэрэ
Үрдүгэр түһээри,
Үҥүүлэрин-батастарын
Өрүтэ туппутунан
Үтүрүһэ-үтүрүһэ
7720 Үөмэлэһэн кэллилэр,
Түөрт өртүнэн
Төгүрүччү киирэн
Түспүтүнэн бардылар.
- 184 -