Page 186 - Неизвестное название

Тустуулаах Дьуруо Бөҕө
Үөһэ ыстанан эрдэҕинэ,
Үҥүүлэрин-батастарын
Өрүтэ тутан,
Үөрбэҕэ түһэрээри,
Үөгүлэһэ-үөгүлэһэ,
7730 Үөмэхтэһэ түстүлэр.
Аллараа түстэҕинэ
Сүлүһүннээх-илбистээх
Сүллүгэс батас үрдүгэр түһэр.
Абааһылар таба дайбаабатылар,
Өтөрү түспэтилэр,
Чаҕылдан курдук
Таптарбат аһарыык,
Сындыыс курдук
Сыыдам киһи буолла.
7740 Ийэтин кылыһынан
Илбистээхтик эттэстэ,
Кыырыктаахтык кырбаста,
Омуннаахтык охсуста,
Түбэспит түҥнэһиннэ,
Табыллыбыт таҥнаһынна,
Охтубут оһолонно,
Аттаабыт алдьанна,
Тобуктаабыт турбата,
Сөһүргэстээбит түксүлээтэ,
7750 Боҕотуйбут бокуонньуктаата,
Өттүгэстэппит өллө,
Иһэттибит-бодоттубут элбээтэ,
Өлүү-сүтүү элбээтэ.
Уҥуох-иҥиэх кумаланан,
Охтон-сүтэн
Урусхалланан бардылар,
Абааһылар адаарыстылар,
Көстүбэттэр күөһэлистилэр.
Соҕотох Тустуулаах Дьуруо Бөҕөнү
7760 Тохтотон тууйбатылар,
Кыайан кыаһаабатылар.
Тустуулаах Дьуруо Бөҕө
Ийэтин кылыһынан
Сындыыс курдук быһыта далайда,
Чадыл^ан курдук хайыта дайбаата.
Кыһыл эттэрин кырбастаата,
- 185 -