Page 187 - Неизвестное название

Кыа хааннарын ыста,
Чэгиэн эттэрин сэймэктээтэ,
Субай хааннарын тохто,
7770 Хара хааннарын халытта,
Өлөрөн-өһөрөн
Үллүктээн барда.
Абааһылар айманан
Үрэллэ-үрэллэ үөмэхтэстилэр,
Тарҕана-тарҕана
Сахсырҕа курдук сааҕынастылар,
Күлүмэн курдук күүгүнэстилэр,
Сат курдук
Саба түһэн сааҕынастылар,
7780 Элиэ курдук эймэнистилэр,
Суор-тураах курдук чуоҕустулар.
Ол да буоллар
Тустуулаах Дьуруо Бөҕө
Таба дайбаппата,
Түбэһэ туттарбата,
Кур түү курдук
Кумалаан истэ,
От хотуулун курдук
Охторон урусхаллаан барда.
7790 Охсуһуу-оһол улаатан турда,
Алдьархай садыам
Айдааннааҕа аһылынна.
Абааһы аймахтара
Адьырҕа баһылыктарыгар
Дуолан бухатыырдарыгар
Тимир Сигиди бухатыырга тиийэннэр,
Үҥэ-сүктэ
Сүгүрүйэ турдулар:
— Буойака, буойака!
7800 Бу орто дойду
Орой мэник уола
Дуолан бухатыыра
Тустуулаах Дьуруо Бөҕө
Судул бөҕөнү туруорда,
Содуом бөҕөнү оҥордо,
Бу аллараа дойду
Адьарай бөҕө атамааттарын
Адыйатарыгар тиийдэ.
Тарбахтаах бөҕө

- 186-