Page 189 - Неизвестное название

Таҥнары часкыйталаата.
Охсуһа турар
Абааһылар ортолоругар
От хотуурун курдук
Тоҕо кэһэн тура түстэ.
Тустуулаах Дьуруо Бөҕөнү
Чупчурҕаннаах-илбистээх
7860 Соллоҥ хара батаһынан
Турар бэйэтин
Синньигэс биилин туһунан
Туора быһа
Сындыыс уот курдук
Сырбаппытынан барда.
Тустуулаах Дьуруо Бөҕө
Аһара көтөн биэрбитигэр
Тоҕус дуолан бухатыырдарын
Тоҥ туу курдук
7870 Тоҕу дайбаан таһаарда.
Аҥар өртүнэн дайбаабыта —
Аҕыс адьырҕа бухатыырдарын
Агдахаларын ортотунан
Хаппыт тымтай курдук
Хампы дайбаан таһаарда.
Үсүһүн дайбаабытыгар
Сэттэ бэгидийэр бэртэрин
Синньигэс бииллэринэн
Быһыта дайбаан кэбистэ.
7880 Орускуот улаатта,
Алдьархай аһылынна.
Абааһы уола
Хатыырдыы дайбаатаҕына
Хаптас гынан биэрэр,
Туора дайбаатаҕына
Өрө ыстанан биэрэр,
Туруору оҕустаҕына
Туора көтөн биэрэр.
Абааһы уола
7890 Харса суох
Хайыта дайбаата,
Тохтоло суох
Туора-маары тунайдаата.
Суорба тааһы
Тоҥот хаар курдук

- 188 -