Page 193 - Неизвестное название

Туруулаһар кыахтааххын дуо,
Турар күүстээххин дуо?
Мин диэтэх киһи
Сүлүһүннээх тарбахпар
Төлөрүйбэт гына бутулуннуҥ,
8030 Халбарыйб.ат гына хабылынныҥ.
Аны эн
Иитиллэн үөскээбит
Ийэ сиргэр эргийбэккин,
Төрүөн төлөһүйбүт
Төрүт дойдугар төннүбэккин.
Хааҥҥын хааппыланы да
Хаалларыахпыт суоҕа,
Кэриэс тылгын эт,
Кэс тылгын кэпсиэ, — диэтэ.
8040 Абааһылар айдаарыһан,
Сахсырҕа курдук сааҕынастылар,
Күлүмэн курдук күүгүнээтилэр,
Сиэри сирдэннилэр,
Аһаары аһайданнылар,
Үрдүгэр үөмэлэстилэр.
Билиги гынан эрдэхтэринэ,
Тимир Сигиди бухатыыр
Дьигискэннээх ыҥырыктаах
Дьиэһийэ хара дьиэтэ,
8050 Уорааннаах салгыннаах
Уһуутуур уоругар
Аҥылҕаннаах аргыардаах
Амырыын үлүгэр
Арҕаҕын аана
Аһыллан аҥаарыс гынна,
Тэлэллэн дьэллэс гынна.
Ол иһиттэн
Суо стаах-суодалл аах
Луоҕа Тойон аҕата
8060 Буор булгунньах саҕа
Быһаҕаһыгар диэри
Быарынан сынан тахсан,
Быга сытан,
Ыһыытаан ыыра сытыйда,
Хаһыытаан хайа барда:
— Нойоон, бу тугу гынаҕын?
Тохтоо эрэ, — диэтэ.
- 192