Page 194 - Неизвестное название

Онуоха буоллаҕына
Улаханныын-аччыгыйдыын
8070 Уолуйбут-соһуйбут курдук
Абааһылар тохтуу түстүлэр.
Улуу-дьаалы кырдьаҕастара
Устунан ырыа ыллаан ыҥсалыйда,
Тойук туойан суналыйда:
— Буойака, буойака!
Уйгур мэниктэр
Оройдооҥ эрэ,
Далай акаарылар
Сабаҕалааҥ эрэ!
8080 Бу отут ургунньахтаах
Орто туруу дьоҕул дойдум
Улай дьэҥкэ киинигэр
Олохсуйан үөскээбит
Күкэр күн ууһун
Күдэн бөҕө күүстээхтэрин
Модун быһыы моойдооҕо,
Айыы хаан аймахтарын
Албан ааттаах
Араҥас сиэр аттаах
8090 Алаатыыр Ала Туйгун диэн
Аарыма бухатыыр уоҕан уола
Тустуулаах Дьуруо Бөҕөнү
Togo чороччу туттугут?
Ытык киһи ыаматын,
Төрүт киһи төрүөҕүн
Сиэн-аһаан кэбистэххинэ,
Сэттээх-сэлээннээх
Аһыылаах-абалаах
Буолаарай, нохоо!
8100 Ол обургу дьаалы
Үөһээ дойдуга
Ааттанар аата
Өксөкү кыыл
Ииппит ogoTO
Үрдүк халлаан
Өксүөнэ-самыыра утахтаах,
Өксөкү буурай аттаах,
Өксөкүлээх Бүрүө Boge диэн буолуо,
Аллараа дойдуга
8110 Ааттанар аата
- 193 -