Page 198 - Неизвестное название

8240 Соҕотоҕунан сураҕьтрбыт,
Аҥардаһынан аатырбыт,
Үөһээ дойдуну
Үөннээх түптүйэ курдук
Үлтү түүрэйдиирэ,
Аллараа дойдуну
Атыйахтаах уу курдук
Атаҕынан аамайдыыра.
Орто дойдуну
Ураҕаһынан булкуйан
8250 Оомойдуу оонньообута,
Ол бэйэлээх бухатыыры
Ол Алаатыыр Ала Туйгун бүдүрүппүтэ.
Ол туохха да кыаттарбатах
Дуолан бухатыырдар
Күүстэрин аҥарынааҕар
Ан'ар тарбахтарын да күүһүгэр
Ырааҕынан тиийбэт буолуоҥ, нохоо!
Уонна туоххунан кэлэн
Тулуһан холоһуоххунуй,
8260 Хайдах гынан
Хара тыыҥҥын
Харыһыйан хаалыаххыный?
Оннук бэйэлээх
Улуу дьаалы бухатыырдар
Утары түбэсиһэн,
Охсуһар күннэригэр
Абааһы бухатыыра кыайдаҕына,
Абааһы баһылыа диэбиттэрэ.
Айыы бухатыыра кыайдаҕына,
8270 Айыы баһылыа диэбиттэрэ,
Онон абааһы аймахтарын
Туллар тутааҕа сууллубута, нохоо!
Дьыбардаахха тыыныма,
Саталаахха саҥарба.
Бэрди кытта мэккиспиккин,
Үтүөнү кытта үтүрүспүккүн,
Бэйэ тэҥнээхтэрин кытта
Билсиэх баар эбит.
Бэтэрэнэн соҕуһу
8280 Булсуспутуҥ буоллар,
Ол Алаатыыр Ала Туйгун
Соҕотох туналҕаннаах кыыһын,
- 197 -