Page 199 - Неизвестное название

Умсулҕаннаах ньуурдаах
Оҕо Ньургустайы
Ойох ылан киирэҥҥин,
Одул дойдуга
Холус сананан,
Ураҕас туппуккун,
Алые сананан
8290 Сэндэлгэннээх дойдунан
Сиэлэн-хааман,
Сэндэлийбит эбиккин,
Ытык киһи
Ыаматын кытта ыалласпыккын,
Сүдү киһи
Төрүөҕүн кытта дьүөрэлэспиккин.
Бу уолу өлөрүмэҥ,
Уһун содулу оҥорумаҥ,
Улахан айдааны тардымаҥ.
8300 Куһаҕан бүтүм* кумуччу тарта,
Түҥкэтэх түүлүм сөрүү тутта.
Тохтооҥ, болҕойуҥ эрэ,
Нохолоор! — диэтэ.
Инньэ диирин кытта
Иҥсэ мэнэгэйдэрэ
Истиэх бэйэлээх
Буолуохтара дуо?
Кинилэргэ кэнникитэ
Кээнчэ да буоллун.
8310 Сонно тутатынан
Айахтарын хамсатан,
Аһыы-сии
Охсуохтарыгар эрэ наада.
Абааһы айаҕымсахтара,
Көстүбэт күтүрдэрэ,
Обот чупчурҕаннара,
Иҥсэ мэнэгэйдэрэ,
Соллоҥ хара удьуордара
Тустуулаах Дьуруо Бөҕө
8320 Үрдүгэр өрүһүспүт курдук
Үрүт үрдүлэригэр
Үөмэлэһэ түстүлэр.
Сараһыннаах илбистээх
Хатыылаах тыллаахтара
Хайыта салаатылар,
- 198 -