Page 200 - Неизвестное название

Чупчурҕаннаах тумустаахтар
Тобулута тоҥсуйдулар,
Оботгоох уостаахтара
Субай хаанын
8330 Супту оборон,
Этин-симэһинин
Эмэн чупчуйдулар.
Өлөр күн үтүрүйдэ,
Хаалар күн хабырыйда.
Билиги гынан эрдэхтэринэ,
Эмискэччи үлүгэр
Этэн баран,
Эҕирийиэх ис кырыытыгар,
Көрөн баран,
8340 Чипчилийиэх бэтэрээ өртүгэр,
Сирдиин титирэстээтэ,
Халлаанныын хабырытынна.
Үрдүк халлааннара
Үмүрүйэр төбөтүнэн
Өҕүлэн түһэн баран,
Үөлэс үүтүн курдук
Төбөтүн оройунан
Дьөлө ыстанан,
Чөҥөрүс гынна.
8350 Киҥкиниир киэҥ халлааннара
Кэдэйэн түһэн баран,
Хаба ортотунан
Хайа баран,
Аҥылыс гынна.
Билиги гынарын кытта,
Күнү-ыйы көхсүнэн бүөлүүр,
Көрөртөн көрө сүөргү
Күтүрдээх улахан
Көтөр кынаттаах кыыл
8360 Нөрүөннээх көхсүгэр диэри
Нөрүс гынан көстө түстэ.
Кынатыттан сындыыс
Чаҕылҕан кыырайбыт,
Табыталыттан сааллар
Чаҕылҕан сандаарбыт,
Куорсунуттан курбуу
Чаҕылҕан куһуурбут,
Кутуругуттан субурҕа

- 199-