Page 201 - Неизвестное название

Чаҕылҕан субуруйбут.
8370 Тоҕус дохсун этиҥ доҕордонон
Тоҕута суоруйбут,
Аҕыс дьаҥсал этиҥ аргыстанан
Хайыта дъааһыйбыт,
Сэттэ тэргэн этиҥ сирдьиттэнэн
Дэлбэритэ барбыт.
Абааһылар аймалаһа түстүлэр.
Эттэрэ тарта,
Иэннэрэ кэдэрийдэ,
Куйахалара күүрдэ,
8380 Куттара долгуйда,
Уйулҕалара ыстанна,
Уҥуохтара хамсаата.
Уҥуох тосторунан ойдулар,
Сүрүн быстарынан сүүрдүлэр,
Харах тэстэринэн харбыаластылар.
Көстүбэт күтүрдэрэ
Көмнөхтөөх уот саҕа буолан,
Көппөйө сүүрдүлэр,
Абааһы адьырҕалара
8390 Арбаҕастаах тиит саҕа
Адалыһа сүүрдүлэр.
Талыы бэртэрэ
Салаалаах бэс саҕа
Дагдайа сиэллилэр.
Хорсун өртүлэрэ
Көмнөхтөөх харыйа саҕа
Курайа сүүрдүлэр.
Сылба өртүлэрэ
Сытар сыгынах курдук
8400 Сыллаҥхайдаһа сырыстылар.
Бокоойу өртүлэрэ
Буордаах сыгынах курдук
Булумахтаһа ойдулар.
Түөрүллүбүт төҥүргэс курдук
Төкүнүһэн үҥкүрүстүлэр.
Түгэҕэ биллибэт
Дьөлөккөй үөдэннэригэр
Төбөлөрө өрүкүйэн,
Анна биллибэт
8410 Аҥырхан аппаларыгар
Атахтара адаарыйда,
- 200 -