Page 205 - Неизвестное название

Чагда сирим
Дьабарааскытын сада
Буолан туран,
Чабылайар эбиппит.
Айыы хаан аймахтарын
Ааттаах бухатыырыгар
Алҕаспын этииһибин,
Дааммын биэрииһибин,
Саныахтан таһынан,
8550 Көрүөхтэн сүөргү,
Этиэхтэн дьикти,
Кэпсиэхтэн чиэски эбит диэн,
Кута-сүрэ куттанна,
Сүрэ-кэбэ сүүдүйдэ.
Төттөрү чугуруйда,
Кэннинэн тэйдэ,
Киэр хайыста.
Үөһэттэн түспүт
Өксөкүтэ буоллаҕына,
8560 Киһилии кэпсиир,
Сахалыы саҥарар,
Урааҥхайдыы туойар,
Кь1ыл буолан биэрдэ:
— Дьиэ-буо, дьиэ-буо!
Түгэн дойду түөкүннээдэ,
Дириҥ дойду дьилбиннээҕэ,
Тимир Сигиди бухатыыр
Уора тутар уомардаах,
Кистии тутар кэмэлдьилээх,
8570 Аһары тутар адьынаттаах,
Хорҕото тутар кубулҕаттаах,
Сөрүү тутар дьибилгэттээх эбиккин.
Күн айыы аймахтарыттан
Харым уутунуу* харыстаабыт,
Көмүскэл уутунуу
Күндүркэтэ саныыр оҕобун
Оҕо Ньургустайы
Уоран-талаан киирбиккин.
Тоҥоттоох суолгун сонордоон,
8580 Ириэнэх суолгут ирдээн,
Ээххин этитээри,
Эппиккин истээри,
Илэ бэйэбинэн
- 204 -