Page 206 - Неизвестное название

Эккирэтэн кэллим.
Кырдьыккын билинэн
Кэриэс тылгын эт,
Кэс тылгын кэпсиэ,
Буойака! — диэтэ.
Абааһы уола
8590 Куттанан хоймоччу тутунна,
Кыаҕын ылларан
Кыччах-иччэх көрдө.
Куотар бөҕө
Кубулҕата көттө,
Ааһар бөҕө ал б aha
Самнан туран сарбылынна,
Дохсун бэйэтэ солбонуйда,
Ахсым бэйэтэ аччаата.
Мар-сар ырыа,
8600 Марай-сарай саҥа,
Клҥий-хаиый кэпсээн,
Буола турда:
— Буойака, буойака!
Айыы хаан аймахтарын
Албан ааттааҕа,
Дьоһун сурахтааҕа,
Хахай кыылым
Ииппит оҕото
Хахай сиэр аттаах
8610 Хардааччы сигилиилээх
Хаан Дьааһыйа бухатыыр
Этэр тылбын истэн сэргэҕэлээ,
Көрө бүдүүлээ.
Кырдьыктаах тылбын эттэхпинэ,
Кэс тылбын кэпсээтэхпинэ,
Кэргэнинэн кэмчитийэн,
Ойоҕунан омсоҕолонон,
Аллараа дойдуга
Аанньа дьүһүннээх
8620 Дьахтар суох буолан,
Орто дойду кыргыттара,
Кырасыабай дьүһүннээхтэр
Туналҕаннаах ньуурдаах
Сурахтарын истэммин,
Сураһан тахсаммын,
Ити эн оҕоҕун
- 205 -