Page 252 - Неизвестное название

Уолуктарынан тоҕута көтөн,
Уһуутаһа турдулар.
10650 Куоппат өттүлэрэ
Хотуулга көмүлүннэ,
Саарбах саҥнаахтара
Саахха саста.
Кэрэгэй киһилэрэ
Киигэ киирдилэр.
Бохоойу өртүлэрэ
Бөҕүнэн көмүлүннэ.
Ыт да үрбэт,
Ынах да маҕыраабат гына
10660 Ылы-чып
Саһан хааллылар.
Сибилигин аҕай
Алдьархай-содуом
Аһыллаары турдаҕына,
Сирдиин дьиэһийдэ,
Халлаанныын хараҥарда,
Мастыын-оттуун барыйда,
Чаҕылҕан чаҕылыйан баран,
Этиҥ этиэн икки ардыгар
10670 Им-дьим иһийэн турарын курдук
Уу-чуумпу түҥкүрэн турда.
Оннук үлүгэрдээх
Охсуһаары турар
Уордаах бухатыырдар
Омуннаах уохтарын
Уһаты уостаах
Уус-уран тылынан
Уҕарытыа суох,
Кыһыл тыллаах
10680 Көнө кэпсэтиинэн
Көннь үөрдэн-намырытан
Көннөрүө суох,
Күтүр дьүһүннээх
Көппөйө үллүбүт
Күтүрдэр буоллулар.
Сүгүнүнэн сүктүө суох
Сүөргү дьүһүннээх,
Аанньанан арахсыа суох
Амырыын майгыннаах,
10690 Ынырык ыалдьыттар
- 253 -