Page 251 - Неизвестное название
P. 251
Үрүҥ сүүрүкпүтүн —
Өрөһүлтэтэ суох,
Хаарыан бэйэлээх
Хара сүүрүкпүтүн
Харысхала суох
10610 Хампы тэпсиэхтэрэ диэн,
Сыыдам быһыйдара,
Сылбаргы бэртэрэ
Сыһыыга-хонууга
Сыыдамнаһан киирэннэр,
Сылгы сүөһүлэрин,
Сыспай сиэллээхтэрин,
Өрөҕөр көҕүллээхтэрин,
Үөл талаҕынан үүрэн-үтүрүйэн,
Өрүкүччү сүүрдэн,
10620 Үрүйэ -харыйа устун
Үөмэхтэһэн таһааран,
Анараа аабылааннарга,
Чиэрэс симилэхтэргэ,
Түҥкэтэх түбэлэргэ,
Бүк сирдэргэ
Бөлүөҕүрдэн бардылар.
Хоһуун өртүлэрэ,
Хорсун дьонноро
Хонууга-толооҥҥо
10630 Курайа сүүрэн киирэннэр,
Хороҕор муостаахтарын
Кускуур талаҕынан
Хотолуччу үүрэн таһааран,
Хотоҥҥо хорҕоттулар,
Ньирэйдэрин-торбосторун
Тиэргэҥҥэ-титииккэ
Симэн кэбистилэр,
Тэтиэнэх өртүлэрэ
Сис хара тыаҕа
10640 Тигинэһэн тахсан,
Дьылхан тииттэри дьилбэхтэринэн
Силэйэ көтөн,
Силигирэһэ турдулар.
Хорсун өртүлэрэ
Куруҥ хара тыаҕа
Курайа сүүрэн тахсан,
Кураанах хохур тииттэри
- 252
