Page 248 - Неизвестное название

Улуу муора
Тордуйалаах уу курдук долгуйбута,
Сир бөҕө сиҥнибитэ,
Дайды бөҕө самныбыта.
10480 Ол дьалхааныгар
Күкүр таас хайа
Хаба ортотунан хайа ыстанан,
Сууллан түспүтэ
Ол түһүүтүгэр
Төбөбүн аҥаарбынан
Хайа тардан ылбыта.
Ол иһин
Киһи аҥара киһи буолан хаалбытым.
Ол да буоллар
10490 Аҥардам бухатыыр диэн,
Аатыран-сураҕыран,
Аххан сырыттаҕым.
Аҥардам буоллаҕына,
Арҕаа халлаан
Алын сиксигэр тиийэн,
Аҥар Күкүрдээн диэн,
Бухатыыр гиэнэ
Буулаҕыта буолан,
Тэҥнээҕэ көстүбэккэ
10500 Тыыллан-хабыллан сырыттаҕа.
Төрдү сөргүтүөххэ,
Кэриҥи кэпсэтиэххэ
Истэн кэбис, — диэтэ
Аҥардам абааһы.
Инньэ диирин кытта
Илин диэкиттэн кэлбит
Эр бэртэрэ,
Элик үтүөлэрэ
Иҥиэттэн хайыһан,
10510 Иҥнэри дьиппиниһэн,
Эриллэҕэс мае курдук
Эргийэ таттаран,
Эбир-дэбир иэдэстэнэн,
Дьэбин уутун курдук
Дьэбидиһэ түстүлэр.
Арҕааттан кэлбит
Абааһы адьырҕалара
Абарбыт сатарбыт курдук
- 249 -