Page 247 - Неизвестное название

Сытар ортобунан
Дьэс хаалдьыкпар диэри
Салаҥ хара быанан
Чороччу эрийэн,
Суорба хара таас
Уйаҕа уурбуттара,
Сымара тааска сытыарбыттара.
10440 Аҕыс арбах бастаах
Адьырҕа ойуунунан
Аар салаҥ
Албас хара төрдүгэр
Анаан алҕатан,
Тоҕус уйгуур удаҕанынан
Чупчурҕаннаах оботтоох
Салаҥ-оһол төрдүгэр
Тобулу дьаҥсыттаран,
Сэттэ сэлээр,
10450 Кулан титирик мэтэҕиринэн
Эмэҕэйдээх-мэнэҕэйдээх
Илбис төрдүгэр
И ҥэр эн - этиттэрэн,
Эт-хаан симэһининэн
Эмсэхтээн ииппиттэрэ.
Ол саманнык
Сиһим этэ ситэн,
Холум этэ хойдон,
Буутум этэ мунугаан,
10460 Силгэм ситэн,
Торҕом туолан,
Дуолан бухатыыр буолан,
Турарым чугаһаан кэллэ.
Алаатыыр Ала Туйгун
Бухатыыры кытта
Ардьамаан Дьардьамаан
Бухатыыр түбэсиһэн,
Охсуһуу гиэнэ
Улаханын охсуһан,
10470 Сири-сибиири
Түҥнэри тэпсэннэр
Хотугу өртүн
Хампы үктээн түспүттэрэ.
Аан дойду
Атыйахтаах уу курдук дьалкыһыйбыта,

- 248 -