Page 250 - Неизвестное название

Күрүлгэн үрэх курдук
Күллүгүрүү кыынньан,
Куйах бүтүнүнэн
Көппөйө үллэн,
Таҥас хайдарынан
Сарайа дагдайан,
Түөрт буулаҕа бухатыыр
Түннүк мууһун курдук
10570 Дьүккэлэринэн көрөн,
Түҥнэри күрдьүөттэһэн,
Сөҥөдүһэн турдулар.
Билиги гынарын кытта
Мустан турар дьон
Буулаҕа бухатыырдар
Күтүрдээх дьүһүннэриттэн
Көрө дьулайдылар,
Сөрү сөхтүлэр,
Бэри бэркиһээтилэр.
10580 Куттанан куруйан
Эттэрэ саласта,
Иэннэрэ кэдэрийдэ.
Илин-арҕаа
Илиэх-былаах дайбаатылар,
Хоту-соҕуруу
Куодьаһа-иэдьэһэ сүүрдүлэр,
Үрүө-түрүө көттүлэр,
Арҕам-тарҕам бардылар.
Итинник үлүгэрдээх
10590 Айыы атамааттара,
Абааһы адьырҕалара
Охсуһуу гиэнэ
Улаханын охсустахтарына,
Кырбаһыы гиэнэ
Кытаанаҕын кырбастахтарына,
Хатааннаахтык харсан
Өһөхтөөхтүк өһүөннэстэхтэринэ,
Сирбитин-дойдубутун
Сибилигин сиҥнэри тэпсиэхтэрэ,
10600 Оппутун-маспытын
От хотуулун курдук
Урусхал оҥоруохтара,
Уубутун-тыабытын дьалкытыахтара.
Үтүө-бэйэлээх

- 251 -