Page 267 - Неизвестное название

Күндү күөрэгэйбитин
Көстүбэт бөҕө күтүрдээҕэ
Куота кэлэн
11210 Куорай далаан ытыһынан
Куду кууһан,
Хатан баҕыыр тарбаҕынан
Хады харбаан,
Адьарай бөҕө
Оонньуура дуу?
Айыы бухатыыра
Тус бэйэтинэн кэлэн,
Туора кууһан туран,
Туналҕаннаах ньууруттан
11220 Уун-утары туран,
Уураан-сыллаан,
Уруй-айхал улаатар дуу?
Хайата да биллибэт
Өлөр-тиллэр
Мүччүргэннээх санаа
Бүтүн бэйэлэрин
Бүрүйэ тыыта турда.
Билигин турдахтарына
Өр да буолбата,
11230 Өтөр да буолбата
Кыталыктаах Кыйаадыма Эбэ хотун
Соҕуруу мындаатыттан,
Туналҕан кыыс оҕо
Туттарыммыт суһуоҕун
Субуйа тарпыт курдук,
Сандааран-көҕөрөн көстөр
Дьогдоҥ хара тыатыттан,
Туора үтэйэн
Тоҕойдоон киирбит
11240 Тоҕус угунньахтаах
Улуу тумул
Уҥа чанчыгын диэкиттэн,
Соноҕос ат
Сиһин өрүүтүн курдук,
Дьураа хара аартык устун
Солоҥдо тураҕас ат барахсан
Туйаҕа төгүрүйэн,
Кутурута субуллан,
Кулгааҕа чөрөйөн,
— 266