Page 272 - Неизвестное название

Баранар баһынан
Баран иһэр кыылым
Маталдьыйар батаһын
Бараалыы туппут курдук
Мара хара тыатыгар
Баччалатан тахсан,
Үут кэрэ сылгым
Өрүкүйбүт көҕүлүн
11430 Өрүкүччү туппут курдук
Үрдүк сис тыатын
Өлөҥ от курдук
Үрэйэ көтүтэн,
Үмүрүччү тардан,
Өрүкүтэн хааллылар.
Айан киэнэ
Ахсымын айаннаатылар,
Уҥуох тосторунан ойуттулар,
Утаһын бэртэринэн ууннардылар,
11440 Үөс бөҕөтүнэн,
Өрөһө хайдарынан,
Өлөр былдьаһыгынан,
Өрүкүтэн истилэр.
Буут быстарынан,
Муҥ кыраадыһынан,
Мунугуур түргэнинэн,
Мунура биллибэт
Муус Кудулу байҕал
Булуустуйар-уораһыйар
11450 Тардыытын диэки
Буурҕа-силлиэ курдук
Бурҕачытан истилэр.
Сир ийэ
Сибиэтэ диэн
Ситэн-сирийэн
Билбэт гына
Тиэтэлгэ түстүлэр.
Орто туруу дойду
Ойуулаах-оһуордаах
11460 Отун-маһын
Унаарар урсунун
Одуулаан көрбүт
Онолун булбат гына
Омуннаахтык ойуттулар.
- 271 -