Page 270 - Неизвестное название

Куочай саҕа кулаһыйан
Түҥүр түгэҕин [саҕа] төгүрүйэн,
Эмэгэт саҕа
Эргичийэн эрэр эбит.
11340 Ону көрөөт,
Сулустан туллан түспүт
Салыҥ Кулахай обургу
Үөһүн таттаран
Үөгүлүү түстэ:
— Буойака, буойака!
Аар-дьаалы оҕолоор
Аар-татакай ини!
Аҥардам абааһы диэммит
Амньыалыы санаабыппыт
11350 Киһи аҥара
Кэлтэгэй киэптээх
Кэллэҕэ диэммит
Сэнии көрбүппүт,
Сэмэлии санаабыппыт.
Онтукабыт баара
Адьарай киэнэ
Ааһар бөҕө
Албастааҕа эбит,
Көстүбэт киэнэ
11360 Куотар бөҕө
Кубулҕаттааҕа эбит.
Көмүс бэйэлээхпитин,
Күндү күөрэгэйбитин
Быһылааҥҥа былдьаттыбыт,
Куолаҕайга куоттардыбыт.
Сэттэ былас суһуохтаах
Нэлэмэн Куобутун
Ким-хайа иннинэ
Аҥардам абааһы
11370 Сыыһа туттарбытын,
Халты харбаппытын
Көрөҕүөт көрбөккүөт?!
Сибилигин аҕай
Сирин ортотугар
Ситэн тиийэммин
Сиһин-үөһүн
Силбиктээх илиибинэн
Чирэлдьиччи булкуйан,

- 269 -