Page 269 - Неизвестное название

Кулгааҕын кулукута
Уһулу ыстанар,
Саарбах киһи
Тарайа уҥуор диэри
Сир титирэстиир,
Халлаан сатарыыр,
Хайа хабырыттан,
11300 Тумул сууллан,
Көмүк көҥүрүйэр гына
Тэбис-тэҥҥэ
Тилэх баттаһа кэлэн,
Ньир гына
Өрө сааллан түстүлэр.
Тустуулаах Дьуруо Бөҕө
Аҕыс салаалаах
Аҥаарыйар -көҕөрөр
Ача күөх сибэкки
11310 Отун туппутунан
Атыттан ыстанан,
Түһэн эрдэҕинэ
Көрөн баран, чыпчылыйыах
Бэтэрээ өттүгэр,
Этэн баран, эҕэрийиэх
Ис кырыытыгар,
Төбөлөрүн оройуттан
Сытыы чыпчахай
Тыаһын курдук
11320 Кууһуран түстэ.
Иннилэрин диэки
Этиҥ-чаҕылҕан курдук
Эмэгэт саҕа
Элэкис гынна,
Түптүйэ саҕа
Күөлэһис гынна,
Күпсүүр саҕа
Күлүкүс гынна.
Көрө түспүттэрэ —
11330 Кыталыктаах Кыйаадыма Эбэ хотун
Хотугу мындаатыгар
Куртуйах улар кыылым кутуругун
Холбуу туппут курдук
Кундаар сис тыата
Куоһанар кутуругун диэки

- 268 -