Page 271 - Неизвестное название

Тылын ыйытан,
11380 Тыынын иһиллээн,
Тыҥыраҕын сарбыйан
Тыыннаах кырынааспын,
Тырымныыр чыычаахпын
Былдьаан-талаан ыллахпына,
Былдьаһа сорунуоххут суоҕа.
Мин диэтэх киһи
Куду куустахпына,
Хады харбаатахпына,
Харахтаахха көрдөрбөккө,
11390 Көмөгөйүм анныгар күлүктээн,
Тарбахтаахха таарыттарбакка,
Тараһам анныгар саһыаран,
Кулгаахтаахха иһитиннэрбэккэ,
Хоолдьукпар-быттыкпар хорҕотон,
Хоонньуга сытар
Холоонноох доҕор
Оҥостуом буолуо,
Буойака! — диэтэ да,
Тус хоту диэки
11400 Дугуур хамса
Буруотун курдук
Тумарыс гынан хаалла.
Билиги гынарын кытта
Аттаах бухатыырдар
Тус хоту диэки
Туһулуу тутан кэбистилэр.
Дохсуннук туттулар,
Сындыыс курдук кымньыыластылар,
Чаҕылҕан курдук дайбаатылар,
11410 Омуннаахтык уостуганнаан,
Тэтимнээхтик тэһииннээн,
Халыаннык хамсатан,
Хабырдык айаннатан,
Хара күдэнинэн оргутан,
Хаһыырдан түһэн бардылар.
Кыталыктаах Кыйаадыма Эбэ хотун
Хочо күөх хонуутун
Хотоҕос курдук долгуһутан,
Томтойор толооннорун
11420 Түрбэлээх туос курдук түлүннэрэн,
Хоронор кутуругунан,

- 270 -